قمة وصف الحب بقلمي الطيف المهاجر

أحبه وهو يدري بلوغ الحب ودروبه
أحبه وهو يدري مقاس الحب واديانه
أحبه موت ياربي غلاه يزيد بعجوبه
وصار الحب متعبني وأردد فدا اعيونه
أحبه وأقول أنـتي تراك بجد محبوبه
وترى لأجلك بعد عمري ورود ألحب ذبلانه
أجيها بهمسي وإعجابي بصافي ود وإعذوبه
وأقول الشعر ياناسي كتبته توي على شانه
وأردد في سماء عشقي حروف الحب مكتوبه
على ذاك الجبين اللي خلقها الله سبحانه
أجيها بوردة حمراء مع دبدوب ولعبوبه
بصندوق الغلا يمي وأغلفها بألوانه
أطوف بغرفته وأحلم بساعة فرح محسوبه
وألم العقد وأطيابه وأبعثر لمة أركانه
وأبعثر دفتر أشعاره وأشوف أشياء مكتوبه
وأقبل ثغرها الضاحك وألم الشهد بلسانه
وأقول أنتي بعد ناسي وعمري بدا دوبه
وبلمح صورتي بعينه وأطالع روعة أتقانه
عيونه تتعب الشاعر ويخجل مايجي صوبه
بذيك العين ياربي به النعسه وخدرانه
أبيك تحبني مره وأنا مرات محسوبة
أبيك تكون ملهمني وعلي الشعر وأوزانه
أبيك تكوني لي فيه وأنا ظلك على إدروبه
أبيك تكون لي رسمه وأنا الفنان وألوانه
أبيك تكون رومنسي وأنا القباني بأسلوبه
أبيك تكون لي كوكب وأنالك درب تبانه
أبيك تكون لي دوله وأنا وأنا الحاكم ومحجوبه
أبيك تكون لي مركب وأنا أشراعك وربانه
أبيك تكون لي شمسي وأنا لك لمحة أغروبه
أبيك تكون لي صيفي وأنا الأمطار وهتانه
أبيك تكون لي بارد وأنا لك نار مشبوبه
أبيك تكون لي طيري وأنا أرفرف بجنحانه
أبيك تكون لي لولو وأنا المحار وألدانه
أبيك تكون لي فرحه وأنا لك كرت وسطوره
أبيك تكون لي دمعه وأنا منديل لأحزانه
أبيك تكون لي دنيا وأنا دنياك مقلوبة
أبيك تكون لي مرقد وأنالك نوم تحنانه
أبيك تكون لي عطشى أنا لك كلي عطشانه
أبيك تكون لي قلبي وأنا دنياك وقلوبه
أبيك تكون لي ليلي وأنا لك طيف على أوزانه

بقلمي
اخوكم الطيف المهاجر

رآآآآآآآآآآآآآئع
احساس ووصف جميل
اههنيك
.على جمال المعنى
ودقة الوصف

هلا بهمس الامس
مرحبا بك اخوي وبردك الرائع
يسعدني تواجدك في متصفحي
ومنور بطلتك ومادون قلمك

متمني لك طيب الاقامه مع ودي وجناين وردي