أفــــــــل هــمـــي

أفل همي وسط عقلي والمه
واصور الماضي عسى وقتي يزين
يضع حسنك فكري المستلمه
وتقول كني ضايع بين امرين
يافكر هدي هاجس الشوق لمه
والزم مكانك كان ماودك تشيل
اخاف اني صرت ماعاد اهمه
ماعاد قلبه في الهوى صوبي يلين
ياما حلى الاشواق منه ويمه
ارتاح من شي اخاف انه يبين
وناعس الطرفين والحسن زمه
من موطي اقدامه الى حاجب العيـن
كل الامور تصير عندي مهمه
واحاول اتذكر بادي الوين
واذا طلبني شي حاولت اتمه
واذا طلبته قالي لي مهوب ذلحين
افل همي وسط عقلي والمه
واصور الماضي عسى وقتي يزين


كلمات : سيف خميس سيف الرميثي

غناء : محمد عبده