صرخه ابكت 500 طفل

موضوع: صرخه ابكت 500 طفل السبت أبريل 21, 2012 8:18 pm

صرخة ابكت 500 طفل

السلام عليكم ورحمة الله وبركاته

إماراتية لم تكمل عامها التاسع فقدت كل فرحة وكل أمل مع فقدانها والدها
في حادث مروري

عندما ألقت هذه الخاطرة في مهرجان أبكت 500 طفل معها

************

يايبـه ... عمري ... حبيبي
لا تأخر
أبي ترجع قبل ماأنام
أبي اتلحف حنانك في
تصبحين بخير مع بوسة على خدي ...... يبـــه وانام
وقبل ماانسى يبـــه اســـــــــمع
ابي دفتر رسم أحمر
وابي أقلام للتلوين
وابي فستان .... مثل لون الشموس أصفر
وابيك انت تلبسني
تحمل يبه أرجوك
تمهل يبه أرجوك
شوي ... شوي ..يبه وينك ؟
تعبت أنتظر
تعبت اتخيل ايدينك
يبه وينك ؟
تعبت أسأل زوايا البيت
تعبت أسئل ثوبك المكوي
تعبت اشم عطرك
واحضن غيابك
تعبت أكذب على دمعي
وارتب عيني وثيابك
يبـــه وينك ؟
ألف الدار واتذكر
هنا يمشي .....
هنا يجلس ....
هنا يضحك ....
يبه وينك ؟
ويقطع حزن هالأفكار
باب الدار
واصيح بصوت واتحشرج ..... منو بالباب ...منو اللي دق هذا الباب
أنا ماابي لعب .....و أقلام
انا مابي هدايا
انا مابي اشوف اصحاب
يبـــه وينك ؟
يبه يرضيك حالي الحين
كرهت المدرسة والدرس
ولا حد فيني حس
تذكرني بغيابك شهادتي ... ومعلمتي ... وباب المدرسة
والدرس ... اصحابي وعلاماتي
يبــه وينك ؟
كلامي يبه حارق كلامي مر
وأنا أقرا في الدفاتر هنا
(يوقع ولي الأمر )
مين لي فرحتي تتكحل بعينه
وضحكاته

يبــه ... وينك ؟

نجحت وتختنق فرحة وسط صدري
تجيني الناس وتبارك
وهذا الحزن بي حارث
ولاتدري أني يتيمة
والسبب
حادث
************

بصراحه أنا بعد ماقرأتها إرتفع عدد الباكين وأصبح 501

الله يخلي كل واحد لأولاده ولا يحرمهم منه يااااارب

وياليت كل أب يفكر قبل مايسرع إن حياته متوقف عليها حياة وسعادة أطفاله وكل اللي يحبوه

منقوووول

كلامك صحيح
حياة الاب متوقف عليها سعادة اولادة
لاكن وانا اخوك المكتوب ما منه مهروب
قال الله تعالى:
(قُلْ لا أَمْلِكُ لِنَفْسِي ضَرًّا وَلا نَفْعًا إِلَّا مَا شَاءَ اللَّهُ لِكُلِّ أُمَّةٍ أَجَلٌ إِذَا جَاءَ أَجَلُهُمْ فَلا يَسْتَأْخِرُونَ سَاعَةً وَلا يَسْتَقْدِمُونَ)
نسأل الله حسن الخاتمة والاولاد لهم رب يرزقهم
كما يرزق الطير تغدو خماصا وتعود بطانا
تقبل مروري

اللهم احفظ آبآئنا
وأمهاتنا ولاترينا فيهم مكروه
الله
يجزاك خير